യാത്രാരംഭം
മറുനിറങ്ങള്‍ ചുവരൊഴിഞ്ഞപ്പോഴൊക്കെയും
ഒരു നിറച്ചുവയാണ് എനിക്കെന്നും
നിലവിളക്കിന്‍ കരിന്തിരികൊമ്പിലും
നിലവിളി തൂങ്ങിയ കയറിന്‍റെ തുമ്പിലും
നിലയ്ക്കാത്ത മനസിന്‍റെ വ്യാകുല പ്രാര്‍ത്ഥന
കരിമ്പനകൊമ്പുകളില്‍ തളര്‍ന്നുറങ്ങിയ
സ്വപന സഞ്ചാരങ്ങള്‍ക്ക് ഇത് നഷ്ടരേഖ
കൗമാര സ്വപ്‌നങ്ങള്‍ നൊന്തുപ്രസവിച്ച
ജന്മരേഖകള്‍ക്ക് ഇത് ഹൃദയസ്തംഭനം
ഇന്ന്
പ്രാപഞ്ചിക പരിണാമസിദ്ധാന്തങ്ങള്‍ക്ക്
നടുവില്‍ ഞാനേകനായി
ഇന്ന്
നിലവിളി വളര്‍ത്തിയ ഈ തെരുവിന്‍റെ
രാജാക്കന്മാര്‍ക്ക് നടുവില്‍ ഞാനന്യനായി
ഓര്‍മ്മകള്‍ സുക്ഷിച്ച
ഘടികാര രേഖകള്‍ക്കുളളില്‍
ചിറകുകള്‍ ജനിപ്പിച്ചു
ഇനി ഞാനൊന്നു ഉറങ്ങട്ടെ
